गृहपृष्ठ

केशव निमेषको 'मृत्युगञ्जको मौनता' सार्वजनिक

कवि केशव निमेषको नवीन कवितासङ्ग्रह 'मृत्युगञ्जको मौनता' असार २७ गते शनिबार काठमाडौंमा आयोजित एक विशेष समारोहबीच नेपाल प्रज्ञा प्रतिष्ठानको लेखनाथ कक्षमा सार्वजनिक गरिएको छ। शिखा बुक्सबाट प्रकाशित उक्त कृतिको साहित्य, राजनीति र सामाजिक क्षेत्रका व्यक्तित्वहरूको उपस्थितिमा विमोचन गरिएको हो। कार्यक्रममा नेपाल प्रज्ञा प्रतिष्ठानका निवर्तमान कुलपति भूपाल राईले 'मृत्युगञ्जको मौनता' समकालीन नेपाली समाजका अन्तर्विरोध, मानवीय संवेदना र समयको गहिरो बेचैनीलाई कवितामार्फत सशक्त ढङ्गले अभिव्यक्त गर्ने कृति भएको बताउनुभयो। उहाँले केशव निमेषका कविताले युगीन चेतना, प्रतिरोध र मानवीय मूल्यलाई कलात्मक रूपमा प्रस्तुत गरेको उल्लेख गर्दै यो सङ्ग्रह समकालीन नेपाली कवितामा अर्थपूर्ण योगदान हुने विश्वास व्यक्त गर्नुभयो। सामाजिक अभियन्ता तथा कवि अस्मिता वादीले कवितासङ्ग्रहले समाजमा दबिएका आवाज, मौन बनाइएका जीवन र सीमान्तकृत समुदायका अनुभूतिलाई संवेदनशील रूपमा अभिव्यक्त गरेको बताउनुभयो। उहाँले साहित्य केवल सौन्दर्यबोधको विषय नभई सामाजिक रूपान्तरणको माध्यम पनि भएको उल्लेख गर्दै निमेषका कविताले पाठकलाई सोच्न र समाजलाई नयाँ दृष्टिले हेर्न प्रेरित गर्ने धारणा राख्नुभयो। कार्यक्रममा प्रतिनिधिसभाका सांसदत्रय सुरेश कुमार चौधरी, खड्गबहादुर बुढा र रमेश मल्लले कवितासङ्ग्रहमाथि शुभकामना तथा समीक्षा प्रस्तुत गर्नुभएको थियो। उहाँहरूले साहित्यले समाजलाई मानवीय, संवेदनशील र लोकतान्त्रिक चेतनातर्फ डोर्‍याउने महत्वपूर्ण भूमिका निर्वाह गर्ने उल्लेख गर्दै 'मृत्युगञ्जको मौनता' ले समकालीन नेपाली समाजका यथार्थलाई प्रभावकारी ढङ्गले उजागर गरेको धारणा व्यक्त गर्नुभयो। कार्यक्रमको प्रारम्भमा शिखा बुक्सका प्रकाशक पुष्पराज शर्माले स्वागत मन्तव्य व्यक्त गर्दै साहित्य सिर्जना र प्रकाशनलाई निरन्तरता दिन पाठक, लेखक र प्रकाशकबीचको सहकार्य आवश्यक रहेको बताउनुभयो। उहाँले गुणस्तरीय नेपाली साहित्यलाई पाठकमाझ पुर्‍याउने प्रतिबद्धता पनि व्यक्त गर्नुभयो। कार्यक्रमको अन्त्यमा कवि केशव निमेषले आफ्नो लेखन यात्राका अनुभव साझा गर्दै कविता आफ्नो समय, समाज र मानिससँगको निरन्तर संवाद भएको बताउनुभयो। उहाँले 'मृत्युगञ्जको मौनता' आफ्ना व्यक्तिगत अनुभूति मात्र नभई समाजका असङ्ख्य आवाजहरूको प्रतिनिधित्व गर्ने प्रयास भएको उल्लेख गर्नुभयो। कार्यक्रमकाे सहजीकरण नविन अभिलाषीले गर्नु भएकाे थियाे ।

५४ दिन अगाडि

२७ असार २०८३

केशव निमेषको 'मृत्युगञ्जको मौनता' सार्वजनिक

थारु भाषामा पठनपाठन गर्न सांसद कठरियाको माग

१४० दिन अगाडि

३ वैशाख २०८३

रास्वपाकी संघीय सांसद करिश्मा कठरियाले प्रधानमन्त्री बालेन्द्र शाहसँग वैशाख २ को भेटघाटमा १४ बुँदे माग राखेकी छिन् । १४ बुँदे मागमा के के छन् त ? १. २०७२ साल भाद्र ७ गते थारुहरुले टिकापुरमा गरेको बिद्रोहलाई सम्बोधन गर्दै तत्काल लाल आयोगको प्रतिबेदन सार्वजनिक गर्नुपर्ने । २. थारुहरुको प्रथाजनित शासन प्रणाली बरघर/भलमन्सा लाई मान्यता दिदै राज्यको मुलधारमा ल्याउनु पर्ने । ३. निजामती, न्यायिक, प्रहरी लगायत सबै सरकारी सेवामा आरक्षित वर्गका लागि तोकिएको अनुपातमा थारुहरुको आरक्षण व्यवस्था अभ्यासमा पुर्णत लागु गर्नुपर्ने । ४. सम्बिधानको धारा ५६ को ५ ले ब्यबस्था गरे अनुरुप थारु बहुल क्षेत्रलाइ थारु विशेष क्षेत्र घोषणा गर्नुपर्ने । ५. था...

यहाँ केउ नै मिल्ठैं कवाइटुँ सहरसे

३ दिन अगाडि

१५ भदौ २०८३

बाबा टुहिन चिट्ठी पठाइटुँ सहरसे केरायक समस्या जनाइटुँ सहरसे । कबु कापी, कबु कलम ओराजाइठ, लावा कसिक किनु बटाइटुँ सहरसे । बुडि बुडुनके, खोब सम्झना सटाइठ, यहाँ केउ नै मिल्ठैं कवाइटुँ सहरसे । घनि टिना, घनि सिढा कबु तेल फेन, नोन खाके जिन्गी चलाइटुँ सहरसे । सहरमे खरियाँ, फुलौरी खैनास लागठ, खवासक झारे मुह...

थारू पुस्तकमा पहिलो भूमिका अनुवादः दंगीशरण बडकिमार गुरुबाबाकि जन्मौति (२०१६)

२९६ दिन अगाडि

२६ कात्तिक २०८२

२०१६ सालमा दाङबाट प्रकाशित भएको ‘दंगीशरण बडकिमार गुरुबाबाकि जन्मौति’ पुस्तक २०८२ सालमा पुनः प्रकाशन भएको छ । हालसम्म प्राप्त थारु भाषाको यो पहिलो पुस्तक हो । यसको भूमिका थारु तथा...